Die volgende is 'n uittreksel uit die Dassieblad van 1945 oor die opening van die swembad:
Agtien
April 1945 was vir die Dassiebult sommer 'n groot dag. Die verrigtinge
het 'n aanvang geneem met 'n puik vertoning van ons kadetafdeling by
geleentheid van die inspeksie wat deur Adv. Roberts (die destydse Sekretaris van Onderwys) by
die voetbalveld waargeneem is. Kapt. Joubert, met sy offisiere en al
die kadette, het eer van die skitterende wyse waarop hierdie vertoning
uitgevoer is.
By die swembad, waar 'n aansienlike skare vergader het, is die publiek deur die waarnemende prinsipaal verwelkom.
'n Boodskap van die oud-Dasse in Kaapstad en hul groete is deur mnr. P. D. Cilliers oorgebring.
Voordat
mnr. Roberts deur ons burgemeester, mnr. J. R. Urban, op gepaste wyse
voorgestel is, het mnr. Helm met 'n aantal leerlinge 'n kort
gimnastiek-vertoning, wat baie byval gevind het, gegee.
Adv.
Roberts het o.m. verklaar dat dit 'n skande is dat 'n volk kan toelaat
dat sy kinders opgevoed word in inrigtings wat nie oor behoorlike
uitrusting beskik nie. Die kind moet voorberei word vir sy werksure
sowel as vir sy vrye tyd. Ons opvoeding moet van die kind 'n goeie
burger maak met 'n gesonde liggaam en die nodige kennis om hierdie
liggaam gesond te hou. Ontwikkeling van die kulturele sy is ook
noodsaaklik. Geld wat vir hierdie doel aangewend word kan nie beter
bestee word nie.
Toe hy die bad oop verklaar, het die water na alle kante gespat soos die Dassies induik.
Mnr W. F. Nel, ons magistraat en voorsitter van ons Adviserende Raad, het mnr. Roberts op gepaste wyse bedank.
Die
wyse waarop die skoolsaal versier was, en die gehalte van die
verversings deur ons dames aan die publiek aangebied aan die einde van
die verrigtinge het baie gunstige kommentaar aan die aanwesiges ontlok .
1987
1988
1989
1990
1991
Ons eie Roger Federer! Colin Halgryn, oud-leerling en -onderwyser, het op 70 jarige ouderdom (nee, dis nie 'n tikfout nie - sewentigjarige ouderdom!) sy Protea kleure in tennis verwerf. 
